HStAOrient5a: 33r

bu beytler Vaṣṣāfuñdur:

Az Kayūmars̱ tā ba‑ʿahd‑i Qubād //
Pas az ān tā ba‑Kisrā-i bur-dād [!]
Bāz az ʿahd‑i Šāh Nūširvān //
Tā Ṣaffāriyān kašad bunyād
Baʿd az ān Daylamī ū Sāsānī //
Tā zamāna ba‑Ġazniyān šud šād
Pas za tārīḫ‑i mulk‑i Salčūqī //
Tā ba‑Ḫvārazmiyān qarār uftād
Hamčanīn az zamān‑i Ǧangiz Ḫān //
Tā ba‑dīn‑i rūz kān muḫallad bād //

[Qıṭaʿ] li‑münşiʾih: [ḫafīf: – v – – / v – v – / v v –]

Saña ʿibret degül mi bunca ʿubūr //
Qanda gitdi bu deñlü māhla sāl
Fikr‑i müstaqbel-ile geçdi günüñ //
Ḥāl [ü] māżīye qılmaduñ iqbāl

Faşl fī maʿrifet‑i esmāʾi l‑ḥükemāʾ: // [Cümle] esāṭīn‑i ḥükemādan Loqmāndur. Baʿżı müʾerriḫler ʿamm‑zāde‑i İbrāhīm // Ḫalīldür dėrler. Püser‑i Bāʿūr olur. Baʿżılar ġulām‑i siyāh baʿżılar // peyġamber dėrler. Fīsāġūras muʿāṣır‑i Güştāsf şāgird‑i Loqmān ṣāḥib‑i // Süleymān nebīdür. Ḫavāṣṣ‑i aʿdādı istiḫrāc ėtmişdür ve anda [Ari]smāṭīqī // adlu kitāb īcād ėtmişdür. Ṣafvet‑i cevherinden naġamāt‑i ḥarekāt‑i eflākı istimāʿ ėdüb uṣūl‑i mūsīqīyi ibdāʿ ėtdi. // Cāmāsb birāder‑i Güştāsf şāgird‑i Loqmāndur. Boqrād şāgird‑i Fīsāġūras. // Boqrāṭīs şāgird‑i Boqrād ve cümle esāṭīn‑i ḥükemādan Hermesdür. // Ḥikāyet olınur ki Hermes ḥekīm felek‑i Züḥale ṣuʿūd ėdüb otuz yıl felek‑i Züḥal ile dāyir olub aḥvāl‑i felekīyātı sāyir